jordan visit

Add caption

அவளை 

மொழி பெயர்க்க 

முயற்சித்துக்கொண்டிருக்கிறேன்    

 

என் மொழியாவது 

புரிந்திருக்குமா அவளுக்கு ......... 

 

ஆண்களில் நான் 

மோசமான மொழிபெயர்ப்பாளனாகவும்  

பெண்களில் நீ 

குழப்பமான மொழியாகவும்

தொடர்கிறோம் 

இலக்கின்றி  

ஒரு

திட்டமில்லா 

பயணியைப்போல 

தேசாந்திரியாய் ..

 டக்கீலாவும்  கொஞ்சம்  உப்பும் ...

சுதந்திர தினத்தை 

கொண்டாடுகிறோம் 

காலையில் தேச பக்தி பாடல் 

கொஞ்சம் அனுஷ்காவுடனான 

உரையாடல் 

கொஞ்சம் பாடல்கள்

கொஞ்சம் சினிமா 

கொஞ்சம் உப்பு

கொஞ்சம் டக்கீலாவுடன் 

நிறைய சுதந்திரம் ..

உப்பு தடவிய 

குவளையில் லெமனுடன்

டக்கீலாவில் 

மிதந்து கொண்டிருக்கிறேன் .

சுதந்திர போதையுடன் ..

 நான் 

ஒரு கல்லாய் இருக்கிறேன் 

அந்த தீவில் .

அந்த பெருங்கடலில் 

தீவாகவும்  இருக்கிறேன் 

அந்த பூமியில் 

நான் பெருங்கடலாய் இருக்கிறேன் 

சீற்றமுடன் .

அந்த பிரபஞ்சத்தில் 

ஒரு பூமியாய்

சுழல்கிறேன் 

வெகு நேரமாய் 

அந்த பால்வெளியில் 

ஒரு பிரபஞ்சத்தில் 

சுற்றி கொண்டிருக்கிறது 

ஒரு கல் .

மழை பெய்யும் நேரங்களில் எல்லாம் 

நனைகிறேன் ..

அழுக்கு மட்டும் 

போகவில்லை ...

செருப்பணியாத கால்கள்  .

கையசைவை கவனித்தல்

பொழுது போக்காய்

அமைந்ததை  போல 

செருப்பணியாத கால்கள் 

கவர்கின்றன .

சுத்தமான ,

அழுக்கேறிய ,

சதைபற்றுடன் ,

எலும்புகள் துருத்திய ,

சிலந்தி நரம்புகள் புடைத்த ,

வண்ணம் பூசிய நகங்களுடன் ,

வெட்டபடாத நகங்களுடன் ,

வெடித்த பாதங்களுடன்,

மருதாணி சிவப்புடன் 

சிவப்பு ,

கருப்பு ,

மாநிறம்,

வெள்ளை ...

 எப்போதும்  செருப்பனிந்தே 

செல்கிறேன் ..

செருப்பணியாத கால்களின் 

பார்வையில் படாமல் ..

கூடு கிழித்து வெளியேறும்

வண்ணத்து பூச்சி.

வலித்திருக்குமோ...

உறங்கும் வரை .

அறையின் மூலையில் 

அடுக்கி வைக்கப்பட்டுள்ளது 

என் /உன் 

பயங்கள் .

அறையின் மூலையில் 

குவிக்கப்பட்டுள்ளது 

என்/உன் 

மர்மங்கள் .

அறையின் மூலையில் 

கொட்டப்பட்டுள்ளது 

என்/உன் 

கேள்விகள் .

அறையின் மூலையில் 

தள்ளப்பட்டுள்ளது 

என்/உன்

கோபங்கள் .

அறை முழுவதும் மூலைகளாய் 

வடிவமைத்தது 

நீ/நான்.

வெளியில் நின்று கொண்டிருக்கிறேன் ..

உறங்கும் வரை .

அந்த 

பட்டம் பூச்சியின் சிறகடிப்புக்காய் 

காத்திருக்கிறேன் 

மூச்சடக்கி .

ஏதேனும் 

தொடர் செயலாய்

நிகழுமென .

உன் பெயர் எனக்கு தெரிந்திருக்கவில்லை 

அது போலவே உனக்கும் .

கண்டுபிடி அல்லது 

கற்பனை செய் 

என்றாய் 

கண்டுபிடித்தலை விட 

கற்பனை செய்தல் கடினம் 

எனக்கு.

கற்பனையில் 

உன் பெயர் திரும்ப திரும்ப 

தட்டுபட ..

உன் பெயர் உனக்கு தேவையில்லை 

அதுபோலவே 

எனக்கும் .

-கோ.